Թուրքիայում ԱՄՆ-ի դեսպանը առաջարկել է 100 տարով վարձակալել Հայաստանի և Ադրբեջանի միջև գտնվող ճանապարհը
ԵՐԵՎԱՆ, 14 հուլիսի․/ԱՌԿԱ/․ Թուրքիայում ԱՄՆ դեսպան Թոմաս Բարաքը հայտարարել է ԱՄՆ-ի մտադրության մասին՝ 100 տարով վարձակալել Հայաստանի և Ադրբեջանի միջև գտնվող 32 կիլոմետրանոց ճանապարհը։
«Թուրքիան այս ամենի կենտրոնում է, ինչպես նաև Ադրբեջանն ու Հայաստանը։ Նրանք վիճում են 32 կիլոմետրանոց ճանապարհի շուրջ, բայց սա ամենևին էլ կատակ չէ։ Սա տևում է արդեն մեկ տասնամյակ՝ վեճ 32 կիլոմետրանոց ճանապարհի շուրջ», - ասել է Բարաքը ճեպազրույցի ժամանակ։
«Եվ ահա Ամերիկան գալիս է և ասում. «Լավ, մենք դա կվերցնենք մեզ վրա։ 100 տարով վարձակալությամբ տվեք մեզ այդ 32 կիլոմետրանոց ճանապարհը, և դուք բոլորդ կարող եք օգտվել դրանից»։ Բայց ցեղային հայացքները չեն անհետանում։ Մենք եկել ենք e pluribus unum սկզբունքին (Մեկը շատերից)։ Ի՞նչ է դա նշանակում։ Դա նշանակում է հրաժարվել մասսաների շահերից՝ հանուն միասնության։ Դա գոյություն ունի Ամերիկայում։ Այնտեղ՝ ոչ։ Այնտեղ նախ գալիս է անհատը, հետո՝ ընտանիքը, հետո՝ ցեղը, և հետո արդեն՝ ազգը», - ասել է Բարաքը։
