Նիկոլ Փաշինյանի մոտ տեղի է ունեցել խորհրդակցություն՝ ԶՈՒ-երում մահվան դեպքերի հետ կապված
ԵՐԵՎԱՆ, 17 փետրվարի./ԱՌԿԱ/. Վարչապետ Նիկոլ Փաշինյանի մոտ Զինված ուժերում մահվան դեպքերի հետ կապված տեղի է ունեցել խորհրդակցություն: Այս մասին նշվում է ՀՀ կառավարության Facebook-յան էջում:
«Մանրամասն անդրադարձ է կատարվել վերջին շրջանում Զինված ուժերում տեղի ունեցած մահվան դեպքերի հանգամանքներին և պատճառներին: Պատասխանատուները զեկուցել են հարուցված քրեական գործերի ընթացքի մասին»,- նշվում է տարածված հաղորդագրության մեջ:
Հաղորդագրության համաձայն, վարչապետ Փաշինյանն առաջնային է համարել ԶՈՒ-ում քրեական ենթամշակույթի և կարգապահության հետ կապված առկա խնդիրների լուծումը և ընդգծել կարգապահության մակարդակի շեշտակի բարձրացման ուղղությամբ հետևողական միջոցառումների իրականացման անհրաժեշտությունը՝ պատասխանատուներին տալով համապատասխան հանձնարարականներ:-0-
