ՀՀ ԱԳ նախարարը նշել է Կիպրոսի և Հայաստանի միջև փոխհարաբերությունների զարգացման անհրաժեշտությունը
ԵՐԵՎԱՆ, 4 հունիսի. /ԱՌԿԱ/. Հայաստանի արտաքին գործերի նախարար Զոհրաբ Մնացականյանը հանդիպել է Կիպրոսի Ներկայացուցիչների պալատի նախագահ Դիմիտրիս Սիլուրիսի հետ, հայտնում է ԱԳՆ մամուլի խոսնակ Աննա Նաղդալյանը Facebook–ի իր էջում։
Հանդիպման ընթացքում Մնացականյանը նշել է Կիպրոսի և Հայաստանի միջև փոխհարաբերությունների զարգացման անհրաժեշտությունը։ «Մենք մեր պարտքն ենք համարում գործնականում փոխհարաբերությունների հետագա զարգացումը, և դրա հիմքը մեր ժողովուրդների միջև շփումներն են»,– ասել է նախարարը։
Նախօրեին մեկնարկած աշխատանքային այցի շրջանակում Մնացականյանը կմասնակցի Հայաստան–Հունաստան–Կիպրոս եռակողմ խորհրդակցությանն ԱԳՆ ղեկավարների մակարդակով։ Այցի ընթացքում ծրագրվում են նաև նրա հանդիպումները Կիպրոսի բարձրաստիճան պաշտոնատար անձանց և հայկական համայնքի ներկայացուցիչների հետ։ -0-
