Հայաստանի կառավարության կառուցվածքը կօպտիմալացվի փուլային սկզբունքով

ԵՐԵՎԱՆ, 5 փետրվարի. /ԱՌԿԱ/. Հայաստանի իշխանությունները որոշել են կառա­վարության կառուցվածքն օպտիմալացնել փուլային սկզբունքով, գրում է «Ժամանակ» թերթը։

«Առաջին փու­լում չեն նշանակվի նախարարներ, և դրանք կղեկա­վարեն նախարարի առաջին տեղակալները՝  փաստացի նախարար, հետո դանդաղ, բայց հաստատուն կկրճա­տեն աշխատակազմը, մինչև որ նախարարությունից այ­լևս ոչինչ չմնա»,– գրում է պարբերականը։

Նշվում է, որ դա արվում է հանրային դժգոհությունը ինչ-որ կերպ մեղմելու նպատակով։

Ավելի վաղ հաղորդվել է, որ կառավարության կառուցվածքում կատարվելիք փոփոխությունների համաձայն, ծրագրվում է նախարարությունների թիվը 17–ից կրճատել մինչև 12։ -0-