Ձերբակալվել է Հրազդան համայնքի նախկին ղեկավար Արամ Դանիելյանը
26.02.2019,
17:51
Ձերբակալվել է Հրազդան համայնքի նախկին ղեկավար Արամ Դանիելյանը:
ԵՐԵՎԱՆ, 26 փետրվարի./ԱՌԿԱ/. ՀՀ քննչական կոմիտեի Կոտայքի մարզային քննչական վարչության Չարենցավանի քննչական բաժնում քննվող քրեական գործի նախաքննության ընթացքում, որպես համայնքի ղեկավար պաշտոնավարման տարիներին՝ 2015-2018թթ. ընթացքում, համայնքապետարանի աշխատակազմի հողի հարկի և գույքահարկի գումարներից առանձնապես խոշոր չափերի յուրացումներ և վատնումներ կատարելու կասկածանքով 2019 թվականի փետրվարի 26-ին՝ ժամը 14:10-ին, ձերբակալվել է Կոտայքի մարզի Հրազդան համայնքի նախկին ղեկավար Արամ Ռազմիկի Դանիելյանը, հաղորդում է ՀՀ ՔԿ մամուլի ծառայությունը։
«Քրեական գործի նախաքննությունը շարունակվում է», – նշվում է գերատեսչության հաղորդագրության մեջ:–0–
