Ադրբեջանցի գրոհայինների դիակների դուրսբերման գործընթացը չեզոք գոտուց ավարտված է
27.02.2017,
18:23
Երկուշաբթի ժամը 17:00-ի սահմաններում ավարտվեց չեզոք գոտուց ադրբեջանական գրոհայինների դիակների տարհանման գործընթացը, հայտնում է Արցախի պաշտպանության նախարարության մամուլի ծառայությունը։
ԵՐԵՎԱՆ, 27 փետրվարի. /ԱՌԿԱ/. Երկուշաբթի ժամը 17:00-ի սահմաններում ավարտվեց չեզոք գոտուց ադրբեջանական գրոհայինների դիակների տարհանման գործընթացը, հայտնում է Արցախի պաշտպանության նախարարության մամուլի ծառայությունը։
Գործընթացն իրականացվեց Կարմիր խաչի միջազգային կոմիտեի և ԵԱՀԿ գործող նախագահի անձնական ներկայացուցչի դաշտային օգնականների մասնակցությամբ` ԵԱՀԿ գործող նախագահի անձնական ներկայացուցչի միջնորդությամբ կողմերի ձեռք բերած լրացուցիչ պայմանավորվածության համաձայն։
«Տարհանման գործընթացն իրականացվել է համաձայն փետրվարի 25-ին ձեռքբերված պայմանավորվածության, այսինքն այնպես, ինչպես սկզբնական շրջանում պնդել է արցախյան կողմը»,– ասվում է հաղորդման մեջ։ -0-
