ՀՀ նախագահը կմասնակցի ԵԺԿ նախագահի հուղարկավորության արարողությանը

ԵՐԵՎԱՆ, 18 հոկտեմբերի. /ԱՌԿԱ/. ՀՀ նախագահ Սերժ Սարգսյանը կմեկնի Բրյուսել (Բելգիայի Թագավորություն)՝ հոկտեմբերի 19-ին մասնակցելու Եվրոպական ժողովրդական կուսակցության նախագահ Վիլֆրիդ Մարտենսի հուղարկավորության արարողությանը:

Ժողովրդական կուսակցության  (ԵԺԿ) նախագահ և Բելգիայի նախկին վարչապետ Վիլֆրիդ Մարտենսը մահացել է հոկտեմբերի 9-ի, լույս 10-ի գիշերը։

Օգոստոսին 77–ամյա Մարտենսին շտապ կերպով հիվանդանոց էին տեղափոխել արյան մակարդելիության հետ կապված խնդիրների պատճառով, հիվանդանոցում նա շուրջ 10 օր էր անցկացրել։

ԵԺԿ–ն ներկայացված է Եվրամիության բոլոր քաղաքական ինստիտուտներում, ինչպես նաև` Եվրախորհրդում։ –0–