Տոնոյան. ՌԴ–ի հետ 200մլն դոլարի վարկային համաձայնագրով սպառազինության մատակարարումն ամբողջությամբ ավարտված է

ԵՐԵՎԱՆ, 22 հուլիսի./ԱՌԿԱ/. 200մլն դոլարի հայ–ռուսական վարկային համաձայնագրով սպառազինության մատակարարումն ամբողջությամբ ավարտված է, կիրակի լրագրողներին հայտարարեց ՀՀ պաշտպանության նախարար Դավիթ Տոնոյանը։ 

«200 մլն դոլարի դիմաց տրամադրած զենք-զինամթերքը  ժամանակակից,  արդիական, անգամ ՌԴ սպառազինության մեջ  չգտնվող սպառազինություն է», – ասաց Տոնոյանը։ 

2015 թ.–ի հունիսին ստորագրվել է համաձայնագիր ՌԴ–ի կողմից Հայաստանին 200 մլն դոլարի պետական արտահանման վարկ տրամադրելու մասին ռուսական արտադրության սպառազինություն ձեռք բերելու նպատակով։ 2017 թ.–ի հոկտեմբերի 24–ին ստորագրված միջկառավարական համաձայնագրով, Ռուսաստանը հայկական կողմին տրամադրում է 100 մլն դոլարի պետական արտահանման վարկ ռազմական նշանակության արտադրանքի մատակարարման ֆինանսավորման համար։–0–