Ռուսաստանը պատրաստ է Հայաստանի հետ զարգացնել և պահպանել այն դինամիկան, որը ներդրվել է նախկինում. ՌԴ ԱԳՆ
13.12.2018,
15:12
Ըստ դիվանագետի, Մոսկվան միշտ շահագրգռված է, որպեսզի իրեն մոտ ժողովուրդները և երկրները բարգավաճեն:
ԵՐԵՎԱՆ, 13 դեկտեմբերի. /ԱՌԿԱ/. Ռուսաստանը պատրաստ է Հայաստանի հետ զարգացնել և պահպանել այն դինամիկան, որը ներդրվել է նախկինում, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան հինգշաբթի լրագրողների հետ ճեպազրույցում:
«Հսկայական ներուժ կա երկկողմ հարաբերությունների զարգացման համար…Մենք երկկողմ հարաբերությունների զարգացման հիանալի դինամիկա ունեինք, որը կառուցվել է տարիների ընթացքում և օգուտ էր բերում երկու երկրների ժողովուրդներին: Կարծում եմ` Հայաստանում գիտեն այդ մասին, թե որքան է Ռուսաստանը ներդրել երկկողմ հարաբերությունների, քաղաքական կամքի և նյութական ռեսուրսներ զարգացման գործում», - նշել է Զախարովան:
Ըստ դիվանագետի, Մոսկվան միշտ շահագրգռված է, որպեսզի իրեն մոտ ժողովուրդները և երկրները բարգավաճեն:-0-
