ՌԴ ԱԳՆ–ն անընդունելի է համարում Ռուսաստանի հայազգի քաղաքացիների նկատմամբ խտրականությունն Ադրբեջանում
11.01.2019,
16:43
ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է Ռուսաստանի հայազգի քաղաքացիների նկատմամբ խտրականությունն Ադրբեջանում։
ԵՐԵՎԱՆ, 11 դեկտեմբերի. /ԱՌԿԱ/. ՌԴ ԱԳՆ պաշտոնական ներկայացուցիչ Մարիա Զախարովան ուրբաթ ճեպազրույցում մեկնաբանել է Ռուսաստանի հայազգի քաղաքացիների նկատմամբ խտրականությունն Ադրբեջանում։
«Տեսել եմ մեծ թվով հաղորդագրություններ, այդ թվում` սոցիալական ցանցերում։ Տոների ընթացքում նույնպես եղել են միջադեպեր, նախկինում նույնպես արձանագրել ենք։ Մշտապես բարձրացրել ենք այդ հարցն ադրբեջանական կողմին, ասել ենք, որ նմանատիպ դեպքերը, ցավոք, վատ և սխալ ավանդույթ են դառնում»,– ասել է նա։
Զախարովան նշել է, որ, վիճակագրության համաձայն, նախորդ տարի արձանագրվել է ՌԴ քաղաքացիներին Ադրբեջան մուտք գործելու առնվազն 16 մերժման դեպք` էթնիկ հատկանիշով։
«Միաժամանակ, ռուս քաղաքացիները երկարատև ժամանակ մնացել են օդանավակայանում, այնուհետև բռնի կերպով արտաքսվել երկրից առանց պատճառ իմանալու։ Նշված փաստերը, մեր տեսանկյունից, Ռուսաստանի քաղաքացիների իրավունքների կոպիտ խախտում են»,– ասել է Զախարովան։
Նա ևս մեկ անգամ ընդգծել է, որ Ռուսաստանի ԱԳՆ–ն բազմիցս հրավիրել է Ադրբեջանի ուշադրությունն այսպիսի իրավիճակի` անընդունելի լինելու վրա։
«Մենք պահանջել ենք դադարեցնել այդ պրակտիկան` և մարդկանց պահելը, և արտաքսելը։ Այն անհամադրելի է երկրների միջև բարեկամական հարաբերությունների հետ։ Ստացել ենք ադրբեջանական կողմի հավաստիացումները, որ իրավիճակը կուղղվի։ Եվ լիահույս ենք, որ այդպես էլ կլինի»,– ասել է Զախարովան։ -0-
«Տեսել եմ մեծ թվով հաղորդագրություններ, այդ թվում` սոցիալական ցանցերում։ Տոների ընթացքում նույնպես եղել են միջադեպեր, նախկինում նույնպես արձանագրել ենք։ Մշտապես բարձրացրել ենք այդ հարցն ադրբեջանական կողմին, ասել ենք, որ նմանատիպ դեպքերը, ցավոք, վատ և սխալ ավանդույթ են դառնում»,– ասել է նա։
Զախարովան նշել է, որ, վիճակագրության համաձայն, նախորդ տարի արձանագրվել է ՌԴ քաղաքացիներին Ադրբեջան մուտք գործելու առնվազն 16 մերժման դեպք` էթնիկ հատկանիշով։
«Միաժամանակ, ռուս քաղաքացիները երկարատև ժամանակ մնացել են օդանավակայանում, այնուհետև բռնի կերպով արտաքսվել երկրից առանց պատճառ իմանալու։ Նշված փաստերը, մեր տեսանկյունից, Ռուսաստանի քաղաքացիների իրավունքների կոպիտ խախտում են»,– ասել է Զախարովան։
Նա ևս մեկ անգամ ընդգծել է, որ Ռուսաստանի ԱԳՆ–ն բազմիցս հրավիրել է Ադրբեջանի ուշադրությունն այսպիսի իրավիճակի` անընդունելի լինելու վրա։
«Մենք պահանջել ենք դադարեցնել այդ պրակտիկան` և մարդկանց պահելը, և արտաքսելը։ Այն անհամադրելի է երկրների միջև բարեկամական հարաբերությունների հետ։ Ստացել ենք ադրբեջանական կողմի հավաստիացումները, որ իրավիճակը կուղղվի։ Եվ լիահույս ենք, որ այդպես էլ կլինի»,– ասել է Զախարովան։ -0-
