Նիկոլ Փաշինյանն աշխատանքային այցով կմեկնի Աստանա` մասնակցելու ՀԱՊԿ ԱԽ նիստին
ԵՐԵՎԱՆ, 7 նոյեմբերի. /ԱՌԿԱ/. ՀՀ վարչապետի պաշտոնակատար Նիկոլ Փաշինյանը նոյեմբերի 8-9-ն աշխատանքային այցով կմեկնի Ղազախստանի Հանրապետություն, հաղորդում է վարչապետի մամուլի ծառայությունը։
Նիկոլ Փաշինյանն Աստանայում կմասնակցի Հավաքական անվտանգության պայմանագրի կազմակերպության հավաքական անվտանգության խորհրդի նիստին:
Այցի ընթացքում նախատեսվում է վարչապետի պաշտոնակատարի հանդիպումը տեղի հայ համայնքի ներկայացուցիչների հետ:
ԶԼՄ–ների տվյալներով, օրակարգի առանցքային հարցը կդառնա ՀԱՊԿ նոր գլխավոր քարտուղարի ընտրությունը, որի պաշտոնը մնացել է թափուր Հայաստանի ներկայացուցիչ Յուրի Խաչատուրովին հետ կանչելուց հետո։
Պաշտոնական Երևանը վստահ է, որ ՀԱՊԿ–ում նախագահությունը պետք է շարունակի հայկական կողմն այն դեպքում, երբ, ԶԼՄ–ների հաղորդմամբ, ՀԱՊԿ–ում քննարկվում է Բելառուսի անվտանգության պետական քարտուղար Ստանիսլավ Զասի թեկնածությունը։–0–
