Հայաստանը կմասնակցի «Մարտական ընկերակցություն-2019» համատեղ զորավարժությանը
27.08.2019,
15:27
ՀՀ ԶՈՒ հակաօդային պաշտպանության զորքերի ստորաբաժանումը մեկնել է Ռուսաստանի Դաշնություն` «Մարտական ընկերակցություն-2019» համատեղ զորավարժությանը մասնակցելու համար:
ԵՐԵՎԱՆ, 27 օգոստոսի. /ԱՌԿԱ/. ՀՀ զինված ուժերի հակաօդային պաշտպանության զորքերի ստորաբաժանումը մեկնել է Ռուսաստանի Դաշնություն` «Մարտական ընկերակցություն-2019» համատեղ զորավարժությանը մասնակցելու համար: Այդ մասին հայտնում է ՀՀ պաշտպանության նախարարության մամուլի ծառայությունը:
«Հայ զինծառայողները կմասնակցեն ԱՊՀ անդամ պետությունների ՀՕՊ միավորված համակարգի զորքերի համատեղ միջոցառումների 2019թ. պլանի համաձայն անցկացվող մարտական հրաձգությամբ «Մարտական ընկերակցություն-2019» համատեղ զորավարժությանը», - նշվում է տարածած հաղորդագրությունում:-0-
