Հայաստանն ու Հունաստանը կհամագործակցեն ռազմատեխնիկական ոլորտում
11.02.2016,
13:08
ՀՀ կառավարությունը հինգշաբթի նիստի ժամանակ հավանություն է տվել Հունաստանի հետ ռազմատեխնիկական համագործակցության համաձայնագրի ստորագրման առաջարկին։
ԵՐԵՎԱՆ, 11 փետրվարի. /ԱՌԿԱ/. ՀՀ կառավարությունը հինգշաբթի նիստի ժամանակ հավանություն է տվել Հունաստանի հետ ռազմատեխնիկական համագործակցության համաձայնագրի ստորագրման առաջարկին։
Ինչպես նշեց ՀՀ պաշտպանության փոխնախարար Արա Նազարյանը, համաձայնագրով նախատեսված է, որ կողմերն աջակցություն կցուցաբերեն երկկողմ ռազմատեխնիկական համագործակցությանը, այդ թվում` սպառազինության և հանդերձանքի, ռազմամթերքի և պահեստամասերի ապահովման մասով։
Համաձայնագրով նաև նախատեսվում է ռազմական նշանակության ապրանքների համատեղ արտադրություն, ռազմատեխնիկական նշանակության ծառայությունների տրամադրում, ինչպես նաև կադրերի վերապատրաստում։
Համաձայնագրի իրականացման համար նախատեսվում է ստեղծել ռազմատեխնիկական համագործակցության հայ–հունական միջգերատեսչական հանձնաժողով։ –0–
