ՀՀ նախագահը մասնակցել է Միջուկային անվտանգության գագաթնաժողովին
ԵՐԵՎԱՆ, 1 ապրիլի./ԱՌԿԱ/. ԱՄՆ մայրաքաղաքում ապրիլի 1-ին մեկնարկել է Միջուկային անվտանգության գագաթնաժողովը, որին Միացյալ նահանգների նախագահ Բարաք Օբամայի հրավերով մասնակցում է ՀՀ նախագահ Սերժ Սարգսյանը, հաղորդում է ՀՀ նախագահի մամուլի ծառայությունը։
Ուոլտեր Վաշինգտոնի անվան համաժողովների կենտրոնում տեղի ունեցած համաշխարհային հավաքին մասնակցել են ավելի քան հինգ տասնյակ պետությունների և կառավարությունների ղեկավարներ:
Գագաթնաժողովում քննարկվել են միջազգային անվտանգության համար մեծ վտանգ ներկայացնող միջուկային ահաբեկչության դեմ պայքարի ուղղությամբ բարձր մակարդակի նախորդ համաշխարհային հավաքի ժամանակ մշակված համատեղ քայլերի կենսագործման նպատակով իրականացվող աշխատանքները` համաձայն ընդունված Կոմյունիկեի և Աշխատանքային պլանի, ինչպես նաև նոր մարտահրավերները միասնաբար դիմակայելու, միջուկային ահաբեկչության սպառնալիքները չեզոքացնելու, դրանք կանխարգելելու արդյունավետ մեխանիզմները:–0–
