ՀՀ նախագահ. ՀԱՊԿ–ը ստեղծում է Ճգնաժամային արձագանքման կենտրոն
14.10.2016,
20:44
ՀԱՊԿ երկրների ղեկավարները որոշում են ընդունել Ճգնաժամային արձագանքման կենտրոնի ստեղծման մասին, հայտարարեց ՀՀ նախագահ Սերժ Սարգսյանը կազմակերպության գագաթնաժողովից հետո կազմակերպված ճեպազրույցի ժամանակ։
ԵՐԵՎԱՆ, 14 հոկտեմբերի. /ԱՌԿԱ/. Հավաքական անվտանգության պայմանագրի կազմակերպության (ՀԱՊԿ) երկրների ղեկավարները որոշում են ընդունել Ճգնաժամային արձագանքման կենտրոնի ստեղծման մասին, հայտարարեց ՀՀ նախագահ Սերժ Սարգսյանը կազմակերպության գագաթնաժողովից հետո կազմակերպված ճեպազրույցի ժամանակ։
Նրա խոսքով` կենտրոնը ստեղծվում է առցանց ռեժիմով տեղեկատվության փոխանակման և որոշումներ ընդունելու նպատակով։
«Որոշում է ընդունվել ստեղծել ՀԱՊԿ ճգնաժամային կառավարման կենտրոն, որը կկատարի կանոնադրական մարմնի կողմից համապատասխան որոշումների ընդունման տեղեկատվական–վերլուծական և կազմակերպչական–տեխնիկական գործառույթները, ինչպես նաև առցանց ռեժիմով կապահովի տեղեկատվության փոխանակում», – նշեց Սարգսյանը։ –0–
