Զոհրաբ Մնացականյանը պատրաստվում է աշխատանքային այցով մեկնել Բիշքեկ
26.11.2019,
17:00
Բիշքեկում Մնացականյանը կմասնակցի ՀԱՊԿ անդամ պետությունների ԱԳ նախարարների խորհրդի, պաշտպանության նախարարների խորհրդի, անվտանգության խորհրդի քարտուղարների կոմիտեի համատեղ նիստին:
ԵՐԵՎԱՆ, 26 նոյեմբերի./ԱՌԿԱ/. ՀՀ ԱԳ նախարար Զոհրաբ Մնացականյանը պատրաստվում է աշխատանքային այցով մեկնել Բիշքեկ, հաղորդում է ՀՀ ԱԳՆ մամուլի ծառայությունը։
«Նոյեմբերի 27-ին ԱԳ նախարար Զոհրաբ Մնացականյանն աշխատանքային այցով մեկնելու է Բիշքեկ՝ մասնակցելու ՀԱՊԿ անդամ պետությունների արտաքին գործերի նախարարների խորհրդի, պաշտպանության նախարարների խորհրդի, անվտանգության խորհրդի քարտուղարների կոմիտեի համատեղ նիստին: Նոյեմբերի 28-ին վարչապետ Նիկոլ Փաշինյանի գլխավորած պատվիրակության կազմում ՀՀ ԱԳ նախարարը մասնակցելու է ՀԱՊԿ Հավաքական անվտանգության խորհրդի նիստին»,– ասվում է ՀՀ ԱԳՆ–ի Facebook-յան էջում։–0–
