Վահագն Խաչատուրյանն ընտրվեց ՀՀ նախագահի պաշտոնում
03.03.2022,
13:57
Խաչատուրյանի թեկնածությունը ներկայացրել էր «Քաղաքացիական պայմանագիր» խմբակցությունը
ԵՐԵՎԱՆ, 3 մարտի./ԱՌԿԱ/. Վահագն Խաչատուրյանն ընտրվեց ՀՀ նախագահ։
ԱԺ–ում փակ, գաղտնի քվերակության շրջանակում նախագահի ընտրության երկրորդ փուլին մասնակցել է 71 պատգամավոր, նրանք բոլորն էլ կողմ են քվեարկել:
Նշենք, որ Խաչատուրյանի թեկնածությունը ներկայացրել էր «Քաղաքացիական պայմանագիր» խմբակցությունը:
«Հայաստան» և «Պատիվ ունեմ» ընդդիմադիր խմբակցությունները չեն մասնակցել նախագահի ընտրության հարցի քննարկմանը և քվեարկությանը:–0–
