Թշնամու ուժերը, ահաբեկիչները հայտնվել են «դժոխքում» Արցախի անտառներում ու ձորերում. անհերքելի կադրեր (ՎԻԴԵՈ)
03.11.2020,
17:07
ՊԲ-ի ուժերը հակառակորդի համար իսկական «դժոխք» են կազմակերպել՝ ոչնչացնելով թշնամական ահաբեկչական խմբավորումներ, հատուկ նշանակության ստորաբաժանումներ ու զրահապատ ավտոշարասյուն. ՎԻԴԵՈ
ԵՐԵՎԱՆ, 3 նոյեմբերի./ԱՌԿԱ/. Ինչպես արդեն տեղեկացրել է Արցախի Պաշտպանության բանակը, հարավ-արևելյան ճակատային գծում (Շեխեր-Կարմիր շուկա-Թաղավարդ բնագիծ) տեղի ունեցած և շարունակվող մարտական գործողությունների արդյունքում ՊԲ-ի ուժերն ու կամավորականները հակառակորդի համար իսկական «դժոխք» են կազմակերպել մեր անտառներում ու ձորերում՝ ոչնչացնելով թշնամական ահաբեկչական խմբավորումներ, հատուկ նշանակության ստորաբաժանումներ ու զրահապատ ավտոշարասյուն:
«Նշված տեղեկատվությունը հակառակորդի քարոզչամեքենան, ինչպես միշտ, փորձել է հերքել: Ի լրումն և ի հաստատումն մեր կողմից նախապես տարածված հաղորդագրության՝ ներկայացնում ենք ասվածի մասին պատմող տեսանյութ», – հայտնում են Պաշտպանության բանակից:–0–
