Թևանյանը նշել է այլ ուժերի հետ համագործակցության պայմանները

ԵՐԵՎԱՆ, 18 սեպտեմբերի./ԱՌԿԱ/. «Մայր Հայաստան» դաշինքը Երևանի ավագանիում անվանել է այլ ուժերի հետ համագործակցության պայմանները։ 

«Մենք ունենք սկզբունքներ, որոնց համաձայն կարող ենք համագործակցել որոշակի քաղաքական ուժերի հետ, այն ուժը, որը ցանկանում է մեզ հետ համագործակցել, պետք է գնահատի վարչապետ Նիկոլ Փաշինյանի քաղաքականությունը, պետք է բացառի համագործակցությունը «Քաղաքացիական պայմանագրի» հետ և երրորդ՝ կիսի մեր դիրքորոշումն իշխանափոխության վերաբերյալ»,- ասաց «Մայր Հայաստան» դաշինքի առաջնորդ Անդրանիկ Թեւանյանը։

Հարցին, թե նախկին քաղաքապետ Հայկ Մարությանի գլխավորած «Ազգային առաջընթաց» կուսակցության հետ կոալիցիայի շուրջ բանակցություններ եղե՞լ են, նա պատասխանեց, որ ուղղակի բանակցություններ, որպես այդպիսին, չեն եղել՝ հավելելով, որ ավագանու մանդատ կամ քաղաքապետի պաշտոնն իր համար առաջնահերթություն չեն։

«Ինչ վերաբերում է Մարությանին, ապա հաշվի առնելով ընդդիմադիր ուժերից ստացած ձայների տոկոսը, մենք առաջնորդվում ենք այն սկզբունքով, որ կարող ենք օգնել նրան հավաքել անհրաժեշտ ձայները, և դա կանենք, եթե հայտնի դառնա, որ նա կիսում է մեր օրակարգը ամբողջական իշխանափոխության վերաբերյալ, ի սկզբանե հայտնում ենք, որ ոչ մի պաշտոնի չենք հավակնում»,- ասաց Թեւանյանը։

Մեկնաբանելով համացանցում շրջանառվող այն տեղեկությունները, թե Մարությանը համաձայնել է կոալիցիայի, բայց պայմանով, որ կոալիցիոն փաստաթուղթ չստորագրվի, քաղաքական գործիչը պատասխանեց, որ այդ տեղեկությունը չի համապատասխանում իրականությանը, քանի որ նման բանակցություններ չեն եղել։-0-