Պաշտպանության բանակը և աշխարհազորն ամուր կանգնած են, կարող ենք թշնամուն դուրս շպրտել մեր Արցախից. ԱՀ նախագահ
09.11.2020,
19:57
Պատերազմական գործողությունները Հանրապետության ամբողջ ճակատով շարունակվում են
ԵՐԵՎԱՆ, 9 նոյեմբերի./ԱՌԿԱ/. Պատերազմական գործողությունները Հանրապետության ամբողջ ճակատով շարունակվում են:
Այս մասին հայտնում է Արցախի Հանրապետության նախագահ Արայիկ Հարությունյանը։
«Պաշտպանության բանակը և աշխարհազորն ամուր կանգնած են Հայրենի հողի վրա, և թշնամու դեմ մեր պայքարը վարելու ենք մինչև վերջ: Մեր համախմբված պայքարը կարող է փոխել իրավիճակը, մենք կարող ենք թշնամուն դուրս շպրտել մեր Արցախից, քանի որ պատերազմի ելքը որոշում է ժողովրդի ամուր կամքը: Հայ ժողովուրդը դեռևս կարող է դրսևորել այդ կամքն ու վճռականությունը: Մեզնից յուրաքանչյուրը պետք է ամուր կանգնի իր դիրքերում, և դրական արդյունքը երաշխավորված կլինի: Ես հավատում եմ», – գրել է Հարությունյանը Facebook–յան իր էջում:–0–
