Իրանի ԱԳՆ–ն ողջունել է Պաղեստինը ճանաչելու Հայաստանի որոշումը
28.06.2024,
12:45
Հունիսի 21-ին Հայաստանի արտգործնախարարությունը հայտարարեց Պաղեստին պետության ճանաչման մասին
ԵՐԵՎԱՆ, 28 հունիսի․/ԱՌԿԱ/․ Իրանի ԱԳՆ-ն ողջունել է Պաղեստին պետությունը ճանաչելու Հայաստանի որոշումը։
«Մենք ողջունում ենք աշխարհի երկրների դիրքորոշումն ու գործողությունները՝ աջակցելու Պաղեստինի ժողովրդի օրինական իրավունքներին», - Twitter-ում գրել է Իրանի ԱԳՆ պաշտոնական ներկայացուցիչ Նասեր Քանանին։
Հունիսի 21-ին Հայաստանի արտգործնախարարությունը հայտարարեց Պաղեստին պետության ճանաչման մասին՝ հաստատելով Երևանի հավատարմությունը միջազգային իրավունքին և ժողովուրդների իրավահավասարության, ինքնիշխանության և խաղաղ գոյակցության սկզբունքներին։
