ՀՀ վարչապետը հերքել է Դավիթ Տոնոյանին աշխատանքից ազատելու լուրերը
ԵՐԵՎԱՆ, 9 հոկտեմբերի./ԱՌԿԱ/. ՀՀ վարչապետ Նիկոլ Փաշինյանը քիչ առաջ հերքեց ԶԼՄ–ներում շրջանառվող տեղեկություններն այն մասին, որ պաշտպանության նախարար Դավիթ Տոնոյանը հեռացվել է աշխատանքից։
«Անհեթեթ լուրեր են», – նշել է նա` պատասխանելով լրագրողների հարցերին «Ինչ անել–2. տնտեսական հեղափոխություն` ընկալումը և գործարկումը» խորհրդաժողովի շրջանակում։
Նշենք, որ այսօր irakanum.am կայքը տեղեկացրել էր, որ վարչապետն աշխատանքից ազատել է Դավիթ Տոնոյանին։
Տոնոյանի հրաժարականի մասին տեղեկությունները սկսել են շրջանառվել ԱԱԾ տնօրենի պաշտոնից Արթուր Վանեցյանի հեռացումից և ՀՀ ոստկանապետի պաշտոնից Վալերիյ Օսիպյանի հեռացումից հետո։
Միաժամանակ Դավիթ Տոնոյանը սեպտեմբերի 18–ին սկզբից հերքել է իր հրաժարականի մասին խոսակցությունները, այնուհետև մի քանի ժամ անց հայտարարել է, որ չի բացառում դա։–0–
