ՀՀ նախկին ոստիկանապետ Վլադիմիր Գասպարյանը հարցաքննվել է
14.01.2020,
19:35
Վլադիմիր Գասպարյանը հարցաքննվել է Հատուկ քննչական ծառայությունում
ԵՐԵՎԱՆ, 14 հունվարի./ԱՌԿԱ/. ՀՀ նախկին ոստիկանապետ Վլադիմիր Գասպարյանը հարցաքննվել է Հատուկ քննչական ծառայությունում։ Այս մասին հայտնում է «Նովոստի–Արմենիա» գործակալություննը` հղում անելով Գասպարյանի փաստաբան Տիգրան Աթանեսյանին։
Աթանեսյանը, սակայն, չի մանրամասնել, թե կոնկրետ որ քրեական գործի շրջանակում է հարցաքննվել Գասպարյանը։
«Նովոստի–Արմենիա» գործակալությունը կապվել է ՀՔԾ–ի հետ, սակայն գերատեսչությունից հրաժարվեցին մեկնաբանել այս տեղեկատվությունը։
Սեպտեմբերի 18–ին Գասպարյանին մեղադրանք է առաջադրվել իշխանությունը չարաշահելու համար, որն անզգուշությամբ հանգեցրել է ծանր հետևանքների։ Գասպարյանի նկատմամբ որպես խափանման միջոց ընտրվել է ստորագրություն չհեռանալու մասին։-0