ՀՀ նախագահը ԵՄ պատվիրակության ղեկավարի հետ քննարկել է տարածաշրջանային անվտանգությանն առնչվող հարցեր (ՎԻԴԵՈ)
22.03.2022,
15:29
Վահագն Խաչատուրյանն այսօր հանդիպում է ունեցել Հայաստանում Եվրոպական միության պատվիրակության ղեկավար, դեսպան Անդրեա Վիկտորինի հետ. ՎԻԴԵՈ
ԵՐԵՎԱՆ, 22 մարտի./ԱՌԿԱ/. Հանրապետության նախագահ Վահագն Խաչատուրյանն այսօր հանդիպում է ունեցել Հայաստանում Եվրոպական միության պատվիրակության ղեկավար, դեսպան Անդրեա Վիկտորինի հետ։
Ինչպես հայտնում է ՀՀ նախագահի մամուլի ծառայությունը, դեսպան Անդրեա Վիկտորինը շնորհավորել է Վահագն Խաչատուրյանին Հայաստանի Հանրապետության նախագահի պաշտոնը ստանձնելու կապակցությամբ և հաջողություններ մաղթել:
«Զրուցակիցները մտքեր են փոխանակել տարբեր ոլորտներում Հայաստանի և Եվրամիության միջև հարաբերությունների ընդլայնման և փոխգործակցության խորացման շուրջ: Քննարկվել են նաև տարածաշրջանային անվտանգությանն առնչվող հարցեր», – նշվում է գերատեսչության հաղորդագրության մեջ:–0–
