ԵՄ դիտորդական առաքելության ղեկավարը և ԵԽ պաշտպանության և անվտանգության հանձնաժողովի նախագահը կայցելեն Լաչինի միջանցք (ՖՈՏՈ)

ԵՐԵՎԱՆ, 21 հունիսի./ԱՌԿԱ/. Հայաստանում ԵՄ դիտորդական առաքելության ղեկավար Մարկուս Ռիտերը և Եվրախորհրդարանի պաշտպանության և անվտանգության հանձնաժողովի նախագահ Նատալի Լուազոն կմեկնեն Լաչինի միջանցք, հայտնում է ԵՄ դիտորդական առաքելությունը Twitter-ում։

Ռիտերը և Հայաստանում ԵՄ դեսպան Անդրեա Վիկտորինը հանդիպել են Լուազոյին և նրա պատվիրակությանը Սյունիքի մարզի Սիսիան քաղաքի մերձակա օդանավակայանում։

Եվրոպացի պաշտոնյաները ԵՄ առաքելության դիտորդների ուղեկցությամբ կուղևորվեն դեպի Լաչինի միջանցք։

Հունիսի 15-ին առավոտյան Ադրբեջանի սահմանապահ ծառայության մի խումբ զինծառայողներ Հակարիի կամրջի ուղղությամբ առաջխաղացման փորձ են կատարել՝ ռուս խաղապահների ներկայությամբ ՀՀ տարածքում դրոշ տեղադրելու նպատակով։ Հայկական կողմը կասեցրել է առաջին փորձը, սակայն ավելի ուշ համացանցում հայտնվել է բարձրացված դրոշով տեսանյութ։ Դրանից հետո ադրբեջանական կողմն ամբողջությամբ արգելափակել է երթևեկությունը Լաչինի միջանցքով։–0–

Head of EU Mission in Armenia Markus Ritter and @EU_Armenia Ambassador Andrea Wiktorin welcome @EP_Defence Chair Nathalie Loiseau and the SEDE delegation at the Sisian airfield to join #EUMA for a planned patrol to Lachin corridor. @EEAS_EU @EUSec_Defence @Europarl_EN pic.twitter.com/wAa3uAZ9fT

— EUmissionARMENIA (@EUmARMENIA) June 21, 2023