Դադարեցվել են «Իմ քայլը» խմբակցության պատգամավոր Էդգար Առաքելյանի լիազորությունները
12.09.2019,
12:26
ԱԺ նախագահի խոսքով, համապատասխաբան գրությունն ուղարկվել էմ Կենտրոնական ընտրական հանձնաժողով և հանձնաժողովի նախագահ Տիգրան Մուկուչյանին։
ԵՐԵՎԱՆ, 12 սեպտեմբերի./ԱՌԿԱ/. Դիմումի հիման վրա` դադարեցվել են պատգամավոր Էդգար Առաքելյանի լիազորությունները։ Այս մասին հինգշաբթի ԱԺ նիստի ժամանակ տեղեկացրեց ԱԺ նախագահ Արարատ Միրզոյանը։
«Համապատասխաբան գրությունն ուղարկել եմ Կենտրոնական ընտրական հանձնաժողով և հանձնաժողովի նախագահ Տիգրան Մուկուչյանին», – տեղեկացրեց նա։
Մանդատը վայր դնելու ցանկության մասին Էդգար Առաքելյանը հայտարարել է Facebook–յան իր էջում օգոստոսի 29–ին` տեղեկացնելով, որ պատճառները խիստ անձնական են։
ԶԼՄ–ները հաղորդում են, որ Առաքելյանի փոխարեն պատգամավորի պաշտոնը կզբաղեցնի «Իմ քայլը» խմբակցությունից Ավագանու անդամ, ռեժիսոր Արթուր Մանուկյանը։–0–
