Այս պահի դրությամբ մարտերի ուժգնությունը որոշակիորեն թուլացել է. Արծրուն Հովհաննիսյանը ներկայացրել է առաջնագծում տիրող իրավիճակը
19.10.2020,
22:57
Այս պահի դրությամբ մարտերի ուժգնությունը որոշակիորեն թուլացել է. Արծրուն Հովհաննիսյանը ներկայացրել է առաջնագծում տիրող իրավիճակըк
ԵՐԵՎԱՆ, 19 հոկտեմբերի./ԱՌԿԱ/. ՀՀ ՊՆ ներկայացուցիչ Արծրուն Հովհաննիսյանը քիչ առաջ ճեպազրույցի ընթացքում ներկայացրել է առաջնագծում տիրող իրավիճակը։
«Այսօր վաղ առավոտյան նորից մարտերը շարունակվել են։ Հյուսիսային և հարավային ուղղությամբ հակառակորդը փորձել է հարձակողական գործողություններ ծավալել», – նշեց Հովհաննիսյանը։
Նա ավելացրեց, որ հակառակորդը հյուսիսային ուղղությամբ հետ է շպրտվել մեկ–երկու գրոհներից հետո։
«Հարավային ուղղությամբ տևական ժամանակ ծանր մարտերը շարունակվում էին, սակայն հիմնականում կողմերը դիրքային փոփոխություններ, զորաշարժեր գրեթե չեն ունեցել», – ասաց Հովհաննիսյանն`ընդգծելով, որ այս պահի դրությամբ մարտերի ուժգնությունը որոշակիորեն թուլացել է։–0–
