Արարատ Միրզոյանը ԵՄ–ում, ԱՄՆ–ում և Կանադայում ՀՀ դեսպանների հետ քննարկել է Հարավային Կովկասում առկա իրավիճակը

ԵՐԵՎԱՆ, 22 հունվարի․/ԱՌԿԱ/․ Հունվարի 20-21-ին Վիեննայում ՀՀ ԱԳ նախարար Արարատ Միրզոյանի մասնակցությամբ տեղի է ունեցել ՀՀ` եվրոպական երկրներում, ԱՄՆ-ում և Կանադայում հավատարմագրված դեսպանների, ինչպես նաև միջազգային կազմակերպությունների ներկայացուցիչների հանդիպում:

Այս մասին նշված է ՀՀ ԱԳՆ X-ի միկրոբլոգում (նախկին Twitter):

Նախարարի ելույթին հաջորդել է քննարկում` Հարավային Կովկասում առկա իրավիճակի, խաղաղության օրակարգին, կայունության հաստատմանն ուղղված ջանքերի, ՀՀ երկկողմ ու բազմակողմ օրակարգի ընդլայնման հեռանկարների վերաբերյալ:

Տեղի է ունեցել մտքերի փոխանակում միջազգային ու տարածաշրջանային թեմաներով:-0-