Ադրբեջանը գիշերն ականանետից կրակ է բացել հայկական դիրքերի ուղղությամբ

ԵՐԵՎԱՆ, 11 նոյեմբերի./ԱՌԿԱ/. Նոյեմբերի 10-ի լույս 11-ի գիշերը, Ադրբեջանի ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևելյան հատվածում տեղակայված հայկական դիրքերի ուղղությամբ, հաղորդում է ՀՀ ՊՆ-ն:

Ադրբեջանի ԶՈՒ ստորաբաժանումները կիրառել են նաև ականանետ:

Հայկական կողմը կորուստներ չունի: Ժամը 09:00-ի դրությամբ իրադրությունն առաջնագծում հարաբերականորեն կայուն է:-0-