Հայ-ավստրիական բանակցությունները խթան կլինեն քաղաքական երկխոսության ակտիվացման և տնտեսական համագործակցության զարգացման համար
27.06.2012,
14:33
Հայաստանի նախագահ Սերժ Սարգսյանը և Ավստրիայի նախագահ Հայնց Ֆիշերը բարձր են գնահատել ավստրիացի առաջնորդի այցի շրջանակներում տեղի ունեցած բանակցությունների արդյունքները, հաղորդում է ՀՀ նախագահի մամուլի ծառայությունը:
ԵՐԵՎԱՆ, 27 հունիսի. /ԱՌԿԱ/. Հայաստանի նախագահ Սերժ Սարգսյանը և Ավստրիայի նախագահ Հայնց Ֆիշերը բարձր են գնահատել ավստրիացի առաջնորդի այցի շրջանակներում տեղի ունեցած բանակցությունների արդյունքները, հաղորդում է ՀՀ նախագահի մամուլի ծառայությունը:
Չորեքշաբթի ՀՀ նախագահի նստավայրում տեղի ունեցած՝ պաշտոնական այցով Հայաստան ժամանած Ավստրիայի Հանրապետության նախագահ Հայնց Ֆիշերի հրաժեշտի արարողության ժամանակ կողմերը նշել են, որ բանակցությունների արդյունքները նոր խթան կհանդիսանան հայ-ավստրիական քաղաքական երկխոսության ակտիվացման և տնտեսական համագործակցության զարգացման համար:
Նախագահ Սերժ Սարգսյանը նաև շնորհակալություն է հայտնել Ավստրիայի նախագահին՝ հարավկովկասյան տարածաշրջանի խնդիրների նկատմամբ հավասարակշռված դիրքորոշման համար:
Ավստրիայի Հանրապետության նախագահ Հայնց Ֆիշերը տիկնոջ՝ Մարգիթ Ֆիշերի հետ երկուշաբթի ժամանել է Հայաստան՝ նախագահ Սերժ Սարգսյանի հրավերով:--0--
