Քրեական գործ է հարուցվել ավագ լեյտենանտի կողմից զենքի հետ վարվելու կանոնները խախտելու փաստի առթիվ
ԵՐԵՎԱՆ, 18 դեկտեմբերի. /ԱՌԿԱ/. 2018թ. դեկտեմբերի 16-ին ժամը 23:40-ի սահմաններում ՀՀ ՊՆ N զորամասի զինծառայող, ավագ լեյտենանտ Գ.Մ.-ն մարտական դիրքի գետնատնակում խախտել է զենքի հետ վարվելու կանոնները՝ իրեն կցված ԱԿՄ տեսակի ինքնաձիգից կրակոց է արձակել և պայմանագրային զինծառայող Արմեն Խաչատուրի Հարությունյանին անզգուշությամբ պատճառել է ձախ ազդրի հետին մակերեսի գնդակային միջանցիկ հրազենային վնասվածք, հաղորդում է ՀՀ ՔԿ մամուլի ծառայությունը։
Ա.Հարությունյանը տեղափոխվել է զինվորական հոսպիտալ:
Դեպքի առթիվ ՀՀ քննչական կոմիտեի ԶՔԳՎ ութերորդ կայազորային քննչական բաժնում ՀՀ քրեական օրենսգրքի 373-րդ հոդվածի 2-րդ մասով (զենքի, ռազմամթերքի և շրջապատի համար առավել վտանգ ներկայացնող առարկաների, նյութերի հետ վարվելու կանոնները խախտելը) հարուցվել է քրեական գործ, կատարվում է նախաքննություն:–0–
