Երևանյան ՔԿՀ-ում կալանավորի համար նախատեսված ջեմում տարօրինակ կապսուլաներ են հայտնաբերվել
19.04.2019,
14:44
Արտակարգ դեպք է տեղի ունեցել նախօրեին Երևանի Քրեակատարողական հիմնարկներից մեկում:
ԵՐԵՎԱՆ, 19 ապրիլի. /ԱՌԿԱ/. Արտակարգ դեպք է տեղի ունեցել նախօրեին Երևանի Քրեակատարողական հիմնարկներից մեկում, հայտնում է ՀՀ Արդարադատության նախարարության քրեակատարողական ծառայության մամուլի ծառայությունը:
Հաղորդագրությունում նշվում է, որ ապրիլի 18-ին 16:40-ի մոտ «Նուբարաշեն» քրեակատարողական հիմնարկի աշխատակիցներն օպերատիվ տեղեկատվության մշակման ժամանակ զննել են կալանավոր Ա. Ն. անունով քաղաքացի Գ. Դ.-ի կողմից բերված հանձնուկը:
Զննության արդյունքներով ջեմում հայտնաբերվել և բռնագրավվել է 17 կապսուլա` 14,3 գրամ ընդհանուր քաշով:
Առգրավվածը ուղարկվել է դատաքիմիական փորձաքննության: Փաստի առթիվ նյութեր են նախապատրաստվում:-0-
