Նիկոլ Փաշինյանն ու երկու լրատվամիջոցների ներկայացուցիչներ շարժվեցին ՊՊԾ գնդի զավթած շենքի ուղղությամբ
ԵՐԵՎԱՆ, 19 հուլիսի. /ԱՌԿԱ/. Ընդդիմադիր պատգամավոր Նիկոլ Փաշինյանը և երկու լրատվամիջոցների ներկայացուցիչներ, միացված տեսախցիկներով, շարժվեցին ՊՊԾ գնդի զավթած շենքի ուղղությամբ։
Մոտ մեկ ժամ առաջ շենքը զավթած անձինք սկսեցին օդ կրակել։ Հավաքված ցուցարարները մտածեցին, թե գրոհ է սկսվել և փորձեցին անցնել ոստիկաններից կազմված շղթան։
Համոզվելու համար, որ որևէ գրոհ չի եղել, ոստիկանությունը հրավիրեց մամուլի ներկայացուցիչներին և Փաշինյանին ավելի մոտենալ զավթած շենքին։ Սակայն ճանապարհի կեսից լրագրողներին թույլ չտվեցին շարունակել` ելնելով անվտանգության նկատառումներից։
Լրագրողներն ու Փաշինյանը տեսան հրառավարություն, որը բաց էր թողնվում ՊՊԾ շենքի մոտակայքից։
Ճանապարհին տեղեկացրեցին զավթած շենքում գտնվող վիրավորի մասին` չներկայացնելով մանրամասներ։ –0–
