Իրանի Իսլամական Հանրապետությունում գրանցված երկրաշարժը զգացվել է Մեղրիում
02.08.2016,
15:55
Երեքշաբթի տեղական ժամանակով ժամը 14:15-ին երկրաշարժ է տեղի ունեցել Իրանի Իսլամական Հանրապետությունում, որը զգացվել է Մեղրիում:
ԵՐԵՎԱՆ, 2 օգոստոսի. /ԱՌԿԱ/. Երեքշաբթի տեղական ժամանակով ժամը 14:15-ին (Գրինվիչի ժամանակով` 10.15-ին) երկրաշարժ է տեղի ունեցել Իրանի Իսլամական Հանրապետությունում, որը զգացվել է Մեղրիում, հաղորդում է ՀՀ ԱԻՆ-ի մամուլի ծառայությունը:
ՀՀ ԱԻՆ Սեյսմիկ պաշտպանության ծառայության սեյսմոլոգիական ցանցի կողմից գրանցվել է 3.8 մագնիտուդով երկրաշարժ, որի էպիկենտրոնը գտնվում է Իրանի Իսլամական Հանրապետությունում:
«Երկրաշարժի օջախը գտնվել է երկրի մակերևույթից 10 կմ խորության վրա: Ստորգետնյա ցնցման ուժգնությունը էպիկենտրոնում կազմել է 5 բալ: Երկրաշարժը զգացվել է քաղաք Մեղրիում 2-3 բալ ուժգնությամբ», - նշվում է հաղորդագրության մեջ: -0-
