ՀՀ ԱԳՆ–ն պարզել է հայ դիվանագետների մասին տեղեկատվությունը Դամասկոսում գրանցված հրաձգության կապակցությամբ
ԵՐԵՎԱՆ, 21 օգոստոսի. /ԱՌԿԱ/. Հայ դիվանագետները չեն տուժել հրթիռային հրաձգության հետևանքով, որն ահաբեկիչներն իրականացրել են Դամասկոսում միջազգային ցուցահանդեսի ժամանակ, նշվում է ՀՀ ԱԳՆ–ի Twitter–յան էջում։
Կիրակի` օգոստոսի 20–ին, ահաբեկիչները հրաձգություն են կազմակերպել Դամասկոսում անցկացվող միջազգային արդյունաբերական ցուցահանդեսի ժամանակ։ Հրաձգության հետևանքով կան զոհեր։
«Նախնական տվյալներով` տուժածների շրջանում հայեր չկան», – նշվում է հաղորդագրության մեջ։
Արդյունաբերական ապրանքների 59–րդ միջազգային ցուցահանդեսը մեկնարկել է Դամասկոսում օգոստոսի 17–ին։ Ցուցահանդեսի շրջանակում ներկայացված են տարատեսակ սարքավորումներ, մեքենաներ, հատուկ տեխնիկա, շինարարական նյութեր, լայն սպառման ապրանքներ և այլն։ Սիրիական պատերազմից առաջ ցուցահանդեսը համարվում էր ամենահինն ու խոշորագույններից մեկը մերձարևելյան տարածաշրջանում։–0–
