Ճապոնիան 280 կղզի է ազգայնացնում

ԵՐԵՎԱՆ, 9 հունվարի. /ԱՌԿԱ/. Ճապոնիան մտադիր է իր տարածքային ջրերում կամ բացառիկ տնտեսական գոտում գտնվող 280 կղզի ազգայնացնել, հաղորդում է Փրայմը` հղում անելով Reuters–ին։

Դեռևս հինգ տարի առաջ ընդունված ծրագրի շրջանակում Ճապոնիան մտադիր է պարզել կղզիների սեփականատերերի ինքնությունը, ինչից հետո հողատարածքները կազգայանցվեն։ Ծրագրի գործողության ընթացքում Ճապոնիայի տարածքում 99 կղզի է ավելացել։

Ինչպես նշում են վերլուծաբանները, 280 կղզիները կարող են տարածքային վեճի առարկա դառնալ Ճապոնիայի և Հարավային Կորեայի ու Չինաստանի միջև, որի հետ Արևելաչինական ծովում անմարդաբնակ արշիպելագի պատճառով վեճը վերջին ժամանակներում սրվել է։ -0-