ԱՄՆ–ում նավթի առաջնային վերամշակումը նախաճգնաժամային մակարդակում է

ԵՐԵՎԱՆ, 11 հուլիսի. /ԱՌԿԱ/. ԱՄՆ–ում նավթի առաջնային վերամշակումը նախաճգնաժամային մակարդակում է գտնվում, տեղեկացնում է երկրի Էներգետիկայի նախարարությունը, գրում է РБК–ն։

Այսպես, 2013 թվականի հուլիսի 5–ին ԱՄՆ–ում նավթի առաջնային վերամշակման միջին օրական ծավալը կազմել է 16.118 բարել/օր։ Դա ամենաբարձր մակարդակն է 2007 թվականի հուլիսից ի վեր։ 2007 թվականի հուլիսի վերջին ԱՄՆ–ում նավթի առաջնային վերամշակումը հասել է 16.210 մլն բարել/օր։

Ինչպես տեղեկանում ենք ԱՄՆ էներգետիկայի նախարարության նյութերից, նավթի առաջնային վերամշակումը երկրում տարեսկզբից ավելացել է ավելի քան 5 տոկոսով։ -0