Հայաստանում I եռամսյակում գրանցվել է գործազրկության ամենաբարձր մակարդակը ԵԱՏՄ երկրների շրջանում․ ԵՏՀ

ԵՐԵՎԱՆ, 12 հուլիսի․/ԱՌԿԱ/․ Այս տարվա առաջին եռամսյակում Հայաստանում գրանցվել է գործազրկության ամենաբարձր ցուցանիշը ԵԱՏՄ երկրների շրջանում, հայտնում է Եվրասիական տնտեսական հանձնաժողովը։

 «Աշխատանքի միջազգային կազմակերպության մեթոդաբանության համաձայն՝ ԵԱՏՄ-ում գործազրկության մակարդակը 2024 թվականի առաջին եռամսյակում, ըստ Եվրասիական տնտեսական հանձնաժողովի գնահատման, կազմել է աշխատուժի 3,2 տոկոսը, այդ թվում՝ Հայաստանում՝ 15,5 տոկոս, Բելառուսում՝ 3,3 տոկոս։ Ղազախստանում՝ 4,7%, Ղրղըզստանում՝ 4,9% (2022թ.), Ռուսաստանում՝ 2,8%»,- նշվում է հաղորդագրության մեջ։