ԵԱՏՄ–ն 5 տարում կարող է ներդնել 1մլրդ դոլար արդյունաբերության ոլորտի կոոպերացիոն նախագծերում. նախարար Քամալյան
08.06.2023,
12:04
ԵԱՏՄ–ն հինգ տարում կարող է մինչև 1մլր դոլարի ֆինանսավորել բազմակողմ ինտեգրացիոն նախագծեր արդյունաբերական ոլորտում
ԵՐԵՎԱՆ, 8 հունիսի./ԱՌԿԱ/. ԵԱՏՄ–ն հինգ տարում կարող է մինչև 1մլր դոլարի ֆինանսավորել բազմակողմ ինտեգրացիոն նախագծեր արդյունաբերական ոլորտում։ Այս մասին հայտարարել է Եվրասիական տնտեսական հանձնաժողովի արդյունաբերության և ագրոարդյունաբերության համալիրի հարցերով նախարար Արտակ Քամալյանը Բելառուսի առևտրաարդյունաբերական պալատի անդամների, Բելառուսի Հանրապետության շահագրգիռ ձեռնարկությունների և պետական մարմինների հետ հանդիպմանը։
Նա նշել է, որ Եվրասիական տնտեսական միության մասին պայմանագրում կատարվող փոփոխությունների արդյունքում, որոնք համաձայնեցվել են անդամ պետությունների ղեկավարների կողմից մայիսի 25-ին՝ Եվրասիական տնտեսական բարձրագույն խորհրդի նիստում, Եվրասիական տնտեսական հանձնաժողովը ստացել է Միության բյուջեից արդյունաբերության ոլորտի բազմակողմ ինտեգրացիոն նախագծերի արտոնյալ ֆինանսավորման նոր լիազորություններ։
«Հաջորդ տարվանից մենք կկարողանանք բանկերին սուբսիդավորել տրամադրված վարկերի տոկոսադրույքների մի մասը։ Բյուջեն կձևավորվի հատուկ, հակագնագցման և փոխհատուցման տուրքերից ստացվող բաժնեմասային վճարներից», – նշել է Քամալյանը։ Նրա խոսքերը հրապարակվել են ԵՏՀ–ի կայքում։
ԵՏՀ նախարարի խոսքով, նոր մեխանիզմը գործարկելու նպատակով այժմ մշակվում է Հիմնադրույթ կոոպերացիոն նախագծերի ընտրության և դրանց իրականացման դեպքում ֆինանսական աջակցության տրամադրման կարգի մասին։
«Արդյունաբերական կոոպերացիային ֆինանսական աջակցության ծրագիրը կնպաստի մեր երկրների հետագա տեխնոլոգիական զարգացմանը, կապահովի նոր տեխնոլոգիաների հասանելիությունը փոքր և միջին ձեռնարկությունների համար, ինչպես նաև կխթանի ինտեգրացիոն գործընթացներն ամբողջ եվրասիական տարածքում», – նշել է Քամալյանը։
Գործարար համայնքի ներկայացուցիչները հանդիպման ընթացքում բարձրաձայնել են ֆինանսավորման նոր մեխանիզմի ներդրման դեպքում նախապատվությունների և արտոնյալ դրույքաչափերի տրամադրման պայմանների, ինտեգրացիոն նախագծերի իրականացման համար բարենպաստ պայմանների ստեղծման հարցերը, ինչպես նաև ֆորսմաժորային հանգամանքների հնարավոր առաջացումը։–0–
Նա նշել է, որ Եվրասիական տնտեսական միության մասին պայմանագրում կատարվող փոփոխությունների արդյունքում, որոնք համաձայնեցվել են անդամ պետությունների ղեկավարների կողմից մայիսի 25-ին՝ Եվրասիական տնտեսական բարձրագույն խորհրդի նիստում, Եվրասիական տնտեսական հանձնաժողովը ստացել է Միության բյուջեից արդյունաբերության ոլորտի բազմակողմ ինտեգրացիոն նախագծերի արտոնյալ ֆինանսավորման նոր լիազորություններ։
«Հաջորդ տարվանից մենք կկարողանանք բանկերին սուբսիդավորել տրամադրված վարկերի տոկոսադրույքների մի մասը։ Բյուջեն կձևավորվի հատուկ, հակագնագցման և փոխհատուցման տուրքերից ստացվող բաժնեմասային վճարներից», – նշել է Քամալյանը։ Նրա խոսքերը հրապարակվել են ԵՏՀ–ի կայքում։
ԵՏՀ նախարարի խոսքով, նոր մեխանիզմը գործարկելու նպատակով այժմ մշակվում է Հիմնադրույթ կոոպերացիոն նախագծերի ընտրության և դրանց իրականացման դեպքում ֆինանսական աջակցության տրամադրման կարգի մասին։
«Արդյունաբերական կոոպերացիային ֆինանսական աջակցության ծրագիրը կնպաստի մեր երկրների հետագա տեխնոլոգիական զարգացմանը, կապահովի նոր տեխնոլոգիաների հասանելիությունը փոքր և միջին ձեռնարկությունների համար, ինչպես նաև կխթանի ինտեգրացիոն գործընթացներն ամբողջ եվրասիական տարածքում», – նշել է Քամալյանը։
Գործարար համայնքի ներկայացուցիչները հանդիպման ընթացքում բարձրաձայնել են ֆինանսավորման նոր մեխանիզմի ներդրման դեպքում նախապատվությունների և արտոնյալ դրույքաչափերի տրամադրման պայմանների, ինտեգրացիոն նախագծերի իրականացման համար բարենպաստ պայմանների ստեղծման հարցերը, ինչպես նաև ֆորսմաժորային հանգամանքների հնարավոր առաջացումը։–0–
