Վրաստանից Հայաստան ռուսական գազի մատակարարումները ժամանակավորապես դադարեցվել են նորոգման աշխատանքների պատճառով

ԵՐԵՎԱՆ, 8 օգոստոսի. /ԱՌԿԱ/. Վրաստանի գազատրանսպորտային ընկերությունը պաշտոնապես տեղեկացրել է «ՀայՌուսգազարդ» ՓԲԸ-ին, որ օգոստոսի 8-ին ժամը 09:00-ից Հայաստան բնական գազի մատակարարումը ժամանակավորապես դադարեցնում է, հայտնում է «ՀայՌուսգազարդի» մամուլի ծառայությունը:

Հաղորդագրության համաձայն, վրացական ընկերությունը նախատեսում է օգոստոսի 8-ին և 9-ին իրականացնել վերանորոգման աշխատանքներ «Կրասնի Մոստ» գազաչափիչ կայանում:

«ՀայՌուսգազարդ» ՓԲԸ–ն մենաշնորհ ունի Հայաստանի ներքին շուկայում ռուսական բնական գազի մատակարարման և բաշխման ոլորտում։ Ընկերությունը ստեղծվել է 1997 թվականին, դրա բաժնետերերն են` «Գազպրոմ» ԲԲԸ–ն և Հայաստանի կառավարությունը։ -0-