Փոխվարչապետն ու «Կորպորասիոն Ամերիկա օդանավակայաններ» ընկերության գործադիր տնօրենը քննարկել են «Զվարթնոց» օդանավակայանի կոնցեսիոն պայմանագրի օպտիմալացումը
ԵՐԵՎԱՆ, 16 ապրիլի․/ԱՌԿԱ/․ Փոխվարչապետ Մհեր Գրիգորյանն ընդունել է «Կորպորասիոն Ամերիկա օդանավակայաններ» ընկերության գործադիր տնօրեն Մարտին Էռնեկյանին, հաղորդում է ՀՀ կառավարության մամուլի ծառայությունը։
Ողջունելով հյուրին՝ փոխվարչապետը կարևորել է «Կորպորասիոն Ամերիկա օդանավակայաններ» ընկերության ներդրումային ծրագրերի իրականացումը Հայաստանում առանցքային կարևորություն ունեցող ոլորտներում:
Զրուցակիցները, մասնավորապես, երկուստեք ընդգծել են օդանավակայանի կոնսեցիոն պայմանագրի լավարկման շուրջ կառուցողական մթնոլորտում ընթացող բանակցությունների նշանակությունը հետագա համագործակցության տեսանկյունից:
Անդրադարձ է կատարվել նաև Հանրապետության հրապարակում գտնվող ՀՀ արտաքին գործերի նախարարության նախկին շենքի (շենքը 2012թ․–ի ձեռք է բերվել Էդուարդ Էռնեկյանին պատկանող «Տանգո» ընկերության կողմից հյուրանոց դարձնելու նպատակով) հետ կապված ծրագրերին:
