Օտարեկրյա ներդրումների ներհոսքը 2019թ.–ի 9 ամսում կազմել է 2,17 մլրդ դոլար. Փաշինյան

ԿԱՊԱՆ, 25 հունվարի./ԱՌԿԱ/. 2019թ.–ի հունվար–սեպտեմբերին օտարեկրյա ներդրումների ներհոսքը կազմել է 2 մլրդ 174 մլն դոլար։ Այս մասին Կապանում տեղի ունեցող մամուլի ասուլիսի ժամանակ հայտարարել է ՀՀ վարչապետ Նիկոլ Փաշինյանը։ 

 «Սա 2018թ.–ի նույն ժամանակահատվածի համեմատ, 465 մլն դոլարով կամ 27,6 տոկոսով ավել է, իսկ 2017–ի համեմատ, 635 մլն դոլարով կամ 41 տոկոսով»,– հայտարարել է Փաշինյանը։ 

«Օտարերկյա ուղղակի ներդրումների գծով ստացումները նշված ժամանակահատվածում կազմել են 453,8 մլն դոլար, ինչը 68,7 մլն դոլարով կամ 17,8 տոկոսով ավել է քան 2018թ.–ի ցուցանիշը»,– նշել է վարչապետը։-0-