Մհեր Գրիգորյանն ու Իրանի դեսպանը քննարկել են տարածաշրջանի հաղորդակցությունների ապաշրջափակումը
18.07.2025,
15:44
Փոխվարչապետ Մհեր Գրիգորյանն ընդունել է Հայաստանի Հանրապետությունում Իրանի Իսլամական Հանրապետության դեսպան Մեհդի Սոբհանիին
ԵՐԵՎԱՆ, 18 հուլիսի․/ԱՌԿԱ/․ Փոխվարչապետ Մհեր Գրիգորյանն ընդունել է Հայաստանի Հանրապետությունում Իրանի Իսլամական Հանրապետության դեսպան Մեհդի Սոբհանիին, հաղորդում է ՀՀ կառավարության մամուլի ծառայությունը։
Զրուցակիցները քննարկել են տարածաշրջանային վերջին զարգացումները։
Երկուստեք կարևորվել է տարածաշրջանում երկարատև խաղաղության և կայունության հաստատման անհրաժեշտությունը:
Մտքեր են փոխանակվել տարածաշրջանի հաղորդակցությունների ապաշրջափակման հեռանկարների շուրջ: