Կառավարությունը հաստատել է Սևանա լճի էկոհամակարգի վերականգնման և պահպանման 2026 թ.-ի ծրագիրը

ԵՐԵՎԱՆ, 25 սեպտեմբեր․/ԱՌԿԱ/. Հաստատվել է Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների 2026 թ.-ի տարեկան ծրագիրը:

Ինչպես նշվում է որոշման հիմնավորման մեջ, ծրագրում ներառվել են 17 միջոցառումներ։

Դրանց իրականացման արդյունքում ակնկալվում է, մասնավորապես՝ Սևանա լճի էկոլոգիական հավասարակշռության վիճակի բարելավում, լճի և դրա ջրհավաք ավազանի էկոհամակարգերի կենսաբազմազանության պահպանություն և կենսապաշարների կայուն օգտագործման բարելավում, կեղտաջրերի մաքրման կայանների նախագծում և կառուցում, «Սևան» ազգային պարկի կառավարման համակարգի կատարելագործում: