ՀՀ-ում բացվեց Homplex Mall շինանյութի կենտրոնը, որի կառուցման համար ներդրվել է 70 մլն դոլար
ԵՐԵՎԱՆ, 26 հունիսի․/ԱՌԿԱ/․ ՀՀ-ում տեղի ունեցավ Homplex Mall շինանյութերի կենտրոնի բացումը։ Կենտրոնի ստեղծման համար ներդրվել է 70 մլն դոլար, անձնակազմը կազմում է մոտ 1000 մարդ։
Հունիսի 25-ին տեղի ունեցած բացման արարողությանը մասնակցել է վարչապետ Նիկոլ Փաշինյանը։ Նա ծանոթացել է կենտրոնի կատարած աշխատանքներին, ստեղծված պայմաններին և կենտրոնի գործունեությանը, հաղորդում է ՀՀ Կառավարության մամուլի ծառայությունը։
Նշվում է, որ Homplex Mall-ը բազմաֆունկցիոնալ համալիր է, որի նպատակը շինարարության ոլորտում նոր մշակույթի ձևավորումն է: Նախատեսվում է նաև, որ Homplex Mall-ը կդառնա մասնագիտական համայնքի կենտրոն, հանդիպումների, շնորհանդեսների և ցուցահանդեսների վայր՝ միավորելով տեղական արտադրողներին, ներդրողներին և շինարարներին: Homplex Mall-ը գտնվում է Կոտայքի մարզի Պռոշյան գյուղում՝ Երևանից մի քանի կիլոմետր հեռավորության վրա:
