ՀՀ-ն խնդրել է ՌԴ գործընկերներին զբաղվել Հայաստանի տարածքում երկաթուղու որոշ հատվածների ամբողջական վերականգնմամբ
ԵՐԵՎԱՆ, 19 դեկտեմբերի․/ԱՌԿԱ/․ ՀՀ վարչապետ Նիկոլ Փաշինյանը հայտարարեց, որ խնդրել է ՌԴ գործընկերներին վերականգնել Ադրբեջանի և Թուրքիայի սահմաններ տանող երկաթուղին։
«Ես ՌԴ մեր գործընկերներին խնդրել եմ շտապ կարգով զբաղվել մասնավորապես երկաթուղու՝ Երասխից մինչև Նախիջևանի սահման և Ախուրիկի հատվածից մինչև Թուրքիայի սահման ամբողջական վերականգնմամբ:», - ասել է նա հինգշաբթի լրագրողների հետ կայացած ճեպազրույցի ժամանակ։
Փաշինյանը հավելեց, որ շուտով նմանատիպ հարց կբարձրացնի նաև Իջևան-Ղազախ հատվածի վերաբերյալ։ «Ես կարծում եմ, որ այս հատվածը անհապաղ վերանորոգման կարիք ունի», - ասաց նա։ ՀՀ վարչապետը հույս հայտնեց, որ իր ռուս գործընկերները հնարավորինս արագ կիրականացնեն այս խնդրանքը։
Փաշինյանը հավելեց, որ առաջիկայում նաև նույն հարցը կբարձրացնի Իջևան-Ղազախ հատվածի հետ կապված։
«Կարծում եմ այդ հատվածը նույնպես հնարավորինս արագ վերականգնելու անհրաժեշտություն կա»,-ասել է նա:
