Հայաստանում շինարարության ծավալը 2026թ․–ի երկու ամսում աճել է 20,5%–ով՝ մինչև 54 մլրդ դրամ

ԵՐԵՎԱՆ, 9 ապրիլի․/ԱՌԿԱ/․ Հայաստանում շինարարական աշխատանքների ծավալը 2026 թվականի հունվար-փետրվարին կազմել է 53 953,7 մլն դրամ (ընթացիկ գներով)՝ 2025 թվականի հունվար-փետրվարի համեմատ ավելանալով 20,5%-ով։ Այս մասին հայտնում է հանրապետության Վիճակագրական կոմիտեն։

Ընդ որում, փետրվարին շինարարության ծավալը կազմել է 31 691,7 մլն դրամ, ինչը 21,8%-ով ավելի է, քան 2025 թվականի փետրվարին։

Ընթացիկ տարվա 2 ամիսների ընթացքում շինարարության ամենամեծ ծավալը ֆինանսավորվել է կազմակերպությունների միջոցների հաշվին՝ 30 857,1 մլն դրամ կամ ընդհանուր ծավալի 57,2%-ը (աճը 2025 թվականի հունվար-փետրվարի նկատմամբ՝ 20,4%)։

Բնակչության միջոցների հաշվին շինարարության ծավալը կազմել է 17 834,7 մլն դրամ (մասնաբաժինը՝ 33,1%, աճը՝ 36,2%), պետական բյուջեի հաշվին՝ 3 462,7 մլն դրամ (մասնաբաժինը՝ 6,4%, անկումը՝ 22,8%), համայնքային միջոցների հաշվին՝ 1 658,1 մլն դրամ (մասնաբաժինը՝ 3,1%, աճը՝ 14,1%), իսկ մարդասիրական օգնության միջոցների հաշվին՝ 141,1 մլն դրամ (մասնաբաժինը՝ 0,2%, աճը՝ 3,1%):

Միաժամանակ, միջազգային վարկերի միջոցների հաշվին շինարարության ծավալը հունվար-փետրվարին կազմել է 650,0 մլն դրամ կամ ընդհանուր ծավալի 1,2%-ը՝ նախորդ տարվա հունվար-փետրվարի համեմատ նվազելով 62,8%-ով։ Միջազգային վարկային միջոցներից Գերմանական զարգացման բանկին բաժին է ընկել 51,9 մլն դրամ, իսկ այլ կառույցներին՝ 598,1 մլն դրամ։

Ամենաշատ շինարարական աշխատանքներն իրականացվել են անշարժ գույքի հետ կապված գործունեության գծով (ծավալը՝ 34 124,3 մլն դրամ, մասնաբաժինը ընդհանուր կառուցվածքում՝ 63,2%), էլեկտրաէներգիայի, գազի, գոլորշու և լավորակ օդի ապահովման (ծավալը՝ 4 947,7 մլն դրամ, մասնաբաժինը՝ 9,2%), ինչպես նաև փոխադրումների և պահեստային տնտեսությունների գծով (ծավալը՝ 1 987,9 մլն դրամ, մասնաբաժինը՝ 3,7%)։