Հայաստանում 2026 թ.-ի հունվարին աճել է պղնձի, ցինկի և մոլիբդենի խտանյութերի արտադրությունը

ԵՐԵՎԱՆ, 10 մարտի․/ԱՌԿԱ/․ Հայաստանում 2026 թվականի հունվարին՝ 2025 թվականի հունվարի համեմատ, պղնձի խտանյութի արտադրության ծավալներն աճել են 35%-ով՝ հասնելով 28,69 հազար տոննայի։ Այդ մասին են վկայում Հայաստանի վիճակագրական կոմիտեի հրապարակած տվյալները։

Ընդ որում՝ մոլիբդենի խտանյութի արտադրությունն ավելացել է 2,2%-ով՝ կազմելով 1,27 հազար տոննա, իսկ ցինկի խտանյութինը՝ 6,4%-ով՝ մինչև 1,15 հազար տոննա։

Հաշվետու ժամանակահատվածում արտադրվել է նաև 131 տոննա ֆերոմոլիբդեն, ինչը 55,1%-ով պակաս է 2025 թվականի հունվարի ցուցանիշից։