Ժամանակավորապես կդադարեցվի Հայաստան բնական գազի մատակարարումը․ Գազպրոմ Արմենիա
13.11.2024,
11:33
Բնական գազի մատակարարումը կդադարեցվի՝ Վրաստանի տարածքում վթարավերականգնողական աշխատանքների իրականացմամբ պայմանավորված
ԵՐԵՎԱՆ, 13 նոյեմբերի․/ԱՌԿԱ/․ «Հյուսիսային Կովկաս — Անդրկովկաս» տարանցիկ մայրուղային գազատարի «Ղազախ — Սագուրամո» (DN 1000) հատվածում վթարավերականգնողական աշխատանքներ իրականացնելու նպատակով նոյեմբերի 13-ին ժամը 10։00-ից մինչև նոյեմբերի 14-ը ժամը 22։00-ն կդադարեցվի Հայաստան բնական գազի մատակարարումը, հայտնում են Գազպրոմ Արմենիայից։
Նշված ժամանակահատվածում հանրապետության սպառողների անխափան և հուսալի գազամատակարարումը կիրականացվի առանց սահմանափակումների՝ ներքին պաշարների և ԻԻՀ-ից մատակարարվող բնական գազի լրացուցիչ ծավալների հաշվին:
