Գյուղնախարարն ու ՀՀ-ում ՎԶԵԲ-ի ղեկավարը քննարկեցին համագործակցության հնարավոր տիրույթը
ԵՐԵՎԱՆ, 23 մայիսի. /ԱՌԿԱ/. Մայիսի 23-ին ՀՀ գյուղատնտեսության նախարար Արթուր Խաչատրյանը հանդիպեց Հայաստանում Վերակառուցման և զարգացման եվրոպական բանկի (ՎԶԵԲ) ղեկավար Դմիտրի Գվինդաձեի հետ։
Ինչպես հայտնում է նախարարության մամուլի ծառայությունը, հանդիպմանը մասնակցում էին ՀՀ գյուղատնտեսության նախարարի տեղակալ Արմեն Հարությունյանը, նախարարության արտաքին կապերի վարչության պետ Անդրանիկ Պետրոսյանը։
Հանդիպման ընթացքում ներկայացվեցին Հայաստանում ՎԶԵԲ-ի ռազմավարությունը և առաջնահերթությունները, 2018-2019թթ. ծրագրերը։
«Նախարար Արթուր Խաչատրյանը տեղեկացրեց, որ ներկայումս ավարտման փուլում է ոլորտի ռազմավարության մշակումը։ Գյուղնախարարության և ՎԶԵԲ-ի քաղաքականությանն առնչվող երկխոսության ընթացքում քննարկվեցին գործառնական առաջնահերթությունները, համագործակցության հնարավոր տիրույթը», - նշվում է տարածած հաղորդագրությունում։-0-
